نصائح نت نصائح يومية لحياة أفضل للرجل والمرأة العربية
في ظل الظروف الحالية , الكثير منا يقضي وقت كبير فالتفكير في المشكلة اكتر من حلها و هذا يفقدنا وقت و طاقة و ويزيد من توترنا النفسي و العصبي . لابد أن نتعلم و ندرب أنفسنا على طريقة حل و مواجهة المشاكل لان الحزن لن يعود علينا بالنفع و سيوقف عقلنا عن التفكير السليم و عن الوصول للحل المناسب .
اذا كنت من الأشخاص التي تتأثر بالمشاكل اليومية واحيانا تقودك إلى الغضب و الخوف و الاحباط و تقضي على الطاقة الايجابية داخلك حاول تطبيق النصائح التالية :
النصيحة الأولى :حدد المشكلة بوضوح
الخطوة الاولى لحل المشكلة و مواجهتها هي معرفتها , حط مشكلتك في حجمها الطبيعي بلاش نبالغ في رؤية مشاكلنا حددها و اعرفها بوضوح , حاول تتخلى عن غضبك .. استرخى و هات ورقة و قلم و ابدأ اكتب انا ايه مضايقني ؟ انا ايه مشاكلي ؟ انا ايه موقف حياتي ؟
النصيحة الثانية :خلي عندك خطة
بعد ما تكتب مشاكلك و تحددها لازم تعمل خطة للحل اكتب طريقك لحل المشكلة بالخطوات و استغرق فيها كأنها مشروعك .. ده هيخليك تمشي بخطوات ثابتة هيخليك عارف طريقك و حتى لو حصل بعض الحاجات اللي توقفك هتقدر ترجع للخطة و تعدل الطريق مرة تانية .
النصيحة الثالثة :واجه مشاكلك
بمجرد تحديد المشكلة و خطة حلها لازم تقرر تتجنب اي مخاوف و تواجه مشكلتك و بمجرد مواجهتها هتتلاشى عندك اى طاقة سلبية لانه في 90% من الاحيان بتكون المشاكل سهلة الحل لكن احنا مش مدركين ده و غضبنا و حزننا مسيطر علينا و على عقلنا .
النصيحة الرابعة :اتحرك للامام
حتى لو الحل لم يعطي النتيجة اللي اتمنتها , مجرد محاولتك هتديك طاقة ايجابية و قوة و ثقة بالنفس .. استمر بالحالة دي و حافظ عليها دايما و متفقدهاش و تدخل لمزاج سيء يقضي على مجهودك و يسبب لك مشاكل اكبر
النصيحة الخامسة :استمتع
مهما كانت ظروفك اعمل حاجة تبسطك .. اضحك من قلبك .. اسال على اصحابك .. اقعد مع اهلك و اعرف اخبارهم .. اسمع مزيكا حلوة .. اتفرج على فيلم او حتى مسلسل تركي ! .. المهم ” استمتع ”
المشاكل مش هتنتهي المشاكل هي رفيق حياتك اللي صعب يسيبك لان هي دي سنة الحياة عشان كده خليك انت و المشاكل اصحاب !!
قدمتها لكم نهى نجيب
