نصائح تقودك إلى تحقيق هدفك

الهدف ينتهى بمجرد تحقيقة الهدف المستمر مستمر بالزمن يعنى أيه …؟ تحول هدفك الى قيمة فعلية فى الزمن ممزوج مع الحواس الخمسة ..

مثال كلنا عايزين( نشتري سيارة ) طيب هنعمل ايه بعد كده بيها خلاص بمجرد انك جبتها اشبعت رغبتك فيها اتحولت الى جزء منك بعد كده مش بتحس بالطاقة بتاعتها انت والسيارة اتحدوا عشان تحولها لقيمة يبقى لازم يكون للسياره دور فى حياتك يعنى هتحدد انك هتروح بالسيارة كل يوم جمعة مثلا انت والاولاد لبيت العيله , تحدد هدف انك هتروح يوم الاربعاء مثلا تلعب رياضة هنا بقت قيمة موجودة معاك , طيب مثال تانى واحد عنده هدف( الاقلاع عن التدخين ) كتير مننا بيدخنوا ودى عادة سيئة الاسوء لما يقول خلاص انا بطلت التدخين ويقلع كليا عن التدخين بس اول ما يتواجد فى مكان بيه مدخنين فى مطعم او فى شلة اصدقاء من زمان مشفهمش وواحد عزم عليه بسيجارة بدء تانى والعمليه رجعت عشان هو معندوش هدف مستمر عشان هدفه مش مبنى على قيم راسخة بتبقى مستمرة معاك وتتحد مع حواسك .

من الممكن ان أقول أن( حلمك + رغبة = هدف ناجح ) معادلة مش صعبة خالص على فكرة أنت حاولت كام مرة قبل كدا فى أى شئ كنت عايزة …؟ فاكر وأنت صغير كنت بتعيط قد ايه بدون ملل عشان يجبولك لعبة !!! بتضحك أكيد افتكرت خلى عندك عزيمة قوية أصرار على التحدى وقبل كدا عندك أيمان وأعتقاد وثقة ويقين بالله سبحانة وتعالى , اشكر كل واحد قالك ( لاء ) لانه وضعك فى تحدى مع نفسك خلى عندك استراتيجية ابداء

1. خذ القرار لما تراه صحيح .

2. أجعل هدفك واضح فى نصب عينيك .

3. زيد من رغبتك وسيله تدفعك لهدفك.

4. تعلم ما ينقصك لتصل الى ما تريد .

5. أصبر الان وقت بعض من الصبر ليس قبل ذلك

6. الاستمرارية فى ما وصلت اليه واجعلة يدل عليك .

حاول دائما الرجوع الى الله ولتحاول الاستسلام لليأس فهذا بداية الفشل وتذكر دائما ان الطريق الى القمة دائما ملئ بالتحديات ولكن الاصعب من الوصول الى القمة ان تحافظ على ما وصلت اليه .

قدمتها لكم نهى نجيب